شۆفێرێك بە هەڵە كوڕەزایەكی خۆی شێلا
03/04/2020
نەوا
بەرپرسی راگەیاندنی پۆلیسی گەرمیان ڕایگەیاند، لەناحیەی ڕزگاری سەربەقەزای كەلار شۆفێرێك بەهەڵە كوڕەزایەكی خۆی شێلاوە و بە هۆیەوە گیانی لەدەستداوە.
عەلی جەماڵ قدوری، بەرپرسی راگەیاندنی پۆلیسی گەرمیان ڕایگەیاند، شۆفێرێك بەهەڵە لەپێش دەرگای ماڵی خۆی كوڕەزایەكی خۆی شێلاوە و ئەو منداڵە كە تەمەنی دوو ساڵ بووە پاش گەیاندنی بەنەخۆشخانە گیانی لەدەستداوە.
ئاماژەی بەوەشكرد، "تەرمەكەی بەمەبەستی توێكاری هێنراوەتە پزیشكی دادوەری قەزای كەلار، شۆفێری ئۆتۆمبێلەكەش بەبڕیاری دادوەر بەكەفالەت ئازادكراوە"