نەوا-ئارام حسێن-دهۆك
ب مەرەما كومكرنا خوینێ بونەخوشان و بو وێ چەندێ ل دەمێ پێتڤی بونێ چ نەخوش توشی كێشەیان ببن سەروكایەتیا ساخلەمیا دهوكێ ب هەڤكاری د گەل كومەلەیا خوین بەخشان هەوێن خوین بەخشینێ ل شەڤانێن رەمەزانێ دا ئەنجام دان و ژمارەكا باش یا بتلێن خوینێ هاتینە كومكرن.
دداخویانیەكی دا بو رادیویا نەوا حەمزە رەزیكی، بەرپرسێ راگەهاندنا ساخلەمیا پارێزگەها دهوكێ راگەهاند، كو مەرەما وان ژ ئەنجامدانا هەوێن خوین بەخشینێ ل شەڤانێن رەمەزان ئەوبو كو وەلاتی ب روژ مژیلی كاری و روژی یانە ژبەر ڤێ چەندێ ب شەڤ ئەڤ كارەدهاتە ئەنجام دان.
گوت ژی: بو وێ چەندێ كوژمارەكا بتلێن خوینێ بو نەخوشێن هیموفیلیا و تەلاسیمایێ و وان كەسێن كو توشی رویدانان دبن ل روژانێن جەژنێ و بهێن ڤەدانێ دا پەیداكرنا خوینێ یا بزەحمەتە ژبەر ڤێ چەندێ د شەڤانە ل مزگەفتان و سەنتەرێ باژیری هەو دهاتنە ئەنجام دان و شیان 405 بتلێن خوینێ ب رێكا خوین بەخشان هاتینە كومكرن.