روژانه‌ نێزیكی پێنج هزار گه‌شتیار سه‌ره‌دانا پارێزگه‌ها دهوك دكه‌ن

18/06/2018 عێراق

نه‌وا-ئارام حسێن-دهۆك
دگه‌ل ده‌ست پێكرنا بهێن ڤه‌دانێن جه‌ژنا ره‌مه‌زانێ هاتنا گه‌شتیاران بو پارێزگه‌ها دهوك ده‌ست پێكریه‌ و تانوكه‌ نێزیكی پێنجی هزار گه‌شتیار هاتینه‌ پارێزگه‌هێ.
دداخویانیه‌كێ دا بو رادیویا نه‌وا شه‌مال هروری به‌رپرسێ راگه‌هاندنا رێڤه‌به‌ریا گشتی یا گه‌شت و گوزاری ل پارێزگه‌ها دهوك راگه‌هاند كو لسه‌ر داخوازیا ده‌سته‌یا گه‌شت و گوزاری یا هه‌رێمێ توماركرنا ئامارێن هاتنا گه‌شتیاران هاتیه‌ كرن و روژانه‌ نێزیكی پێنج هزار گه‌شتیاران سه‌ره‌دانا جهێن گه‌شتیاری دكه‌ن ل پارێزگه‌ها دهوكێ و ب گشتی تانوكه‌ نێزیكی پێنجی هزار گه‌شتیار هاتینه‌ پارێزگه‌هێ.
شه‌مال هروری ئه‌و چه‌نده‌ ژی گوت كو گه‌شتیارێن دهێنه‌ دهوكێ پتریا وان ژ خارو و ناڤه‌راستا عیراقێ دهێن كو رێژا وان دناڤبه‌را 60ـ70٪ نه‌ و به‌شه‌كێ دی ب رێكا ده‌روازه‌یا ئیبراهیم خه‌لیل ژ توركیا و وه‌لاتێن ژ ده‌رڤه‌ دهێن كو رێژا وان دناڤبه‌را 30ـ40٪نه‌.


شەپۆلەکانی نەوا

Copyright © 2017 - Radio Nawa. Designed and Developed by Avesta Group