نهوا - ئارام حسێن - دهۆك
رێڤهبهریا گشتی یا ساخلهمیا پارێزگهها دهوكێ ئامارێن روژانێن جهژنا رهمهزانێ بهلاڤ كرن .
د كونگرهیهكێ روژنامهڤانی دا حهمزه رهزیكی بهرپرسێ راگههاندنا ساخلهمیا پارێزگهها دهوكێ راگههاند كو بو روژانێن جهژنا رهمهزانا ئهڤ ساله پلانهك هاتبو دانان و تیمێن ساخلهمیێ لههمی جهان هاتبونه بهلاڤكرن بو خزمهتكرنا وهلاتیان و د روژانێن جهژن دا 12184 كهسان سهرهدانا بنگههێن ساخلهمیێ كربون و 83 نشتهرگهری هاتینه ئهنجام دان و ل نهخوشخانهیا ژنان و زاروك بونێ ژی 273 زاروك هاتینه سهر دونیایێ كو ژ وان 152 كور و 121 كچ بون.
بهرپرسێ راگههاندنا ساخلهمیا دهوكێ ئاشكرا كر ژی كو د روژانێن جهژن دا 21 رویدانێن هاتن و چونێ دروست بوینه و دئهنجام دا 9 كهس برینداربوینه و كهسهكی ژی گیانێ خو ژدهست دایه و 2 كهس ب یاریێن ئاگری برینداربوینه ههروهسان ب ئهنجامێ شهرچونێ 18 كهس ب چهقویان برینداربوینه و 14 كهس ژی ژ بلنداهیان كهفتینه خوارێ و 45 كهس ژی ب ئهگهرێ سوتنێ سهرهدانا نهخوشخانهیا سوتن و جوانكاریان كربون دیسان 9 كهسێن دی ب هوكارێن جودا گیانێ خو ژدهست دایه كو 3 ژ وان زاروك بوینه .
حهمزه رهزیكی دیار كر ژی كو تیمێن ههوارهاتنێ 122 بو ڤهگوهاستنا نهخوشان 31 كهس ڤهگوهاستینه نهخوشخانهیان كو ئێك ژ وان كچهكا ئاواره یا 22 سالی بو ل كهمپهكا ئاوارهیان ههولا خوكوشتنێ دابو هاته رزگاركرن و ل ههیڤا رهمهزانێ ژی دا تێمێن زێرهڤانیا ساخلهمیێ 10 جهێن بازرگانی دایێخست بون و 71 جهژی سزادابون و 267 جهژی ئاگههداركربون ب ئهگهرێ سهرپێچیان.