نەوا
گۆڤاری فۆربس 100 بەرزترین موچەی كەسایەتییە ناودارەكانی جیهانی بڵاوكردۆتەوە، كە پلەی یەكەمی بۆ یاریزانێكی بۆكسێنە و بوارەكانی دیكەی ژیانیش لە پلەكانی دیكەدان. خشتەكە بڕی موچەی ساڵێكە و مانگی تەمموزی 2017 بۆ تەمموزی 2018 دیاری كراوە و 10 كەسی یەكەمی لیستەكەش بەمشێوەیەیە، كە لە خوارەوە بۆ سەرەوە دەیخەینەڕوو:
10- كریستیانۆ رۆناڵدۆ یەكێكە لە دیارترین یاریزانەكانی تۆپی پێ و تەمەنی 33 ساڵەو موچەی ساڵانەی 108 ملیۆن دۆلارە. 9- ئید شیران گۆرانیبێژی بەناوبانگی جیهانی و تەمەنی 27 ساڵە، موچە ساڵانەی 110 ملیۆن دۆلارە. 8- لیۆنێل میسی یەكێكە لە دیارترین ئەستێرەكانی تۆپی پێ لە جیهانداو تەمەنی 31 ساڵەو موچەی ساڵانەی 111 ملیۆن دۆلارە. 7- كۆڵد پلەی (ColdPlay) گروپێكی میوزیكی بەریتانییە و ساڵی 1996 دامەزراوە، موچەی ئەندامانی ساڵانەی ئەم گروپە 115 ملیۆن و 500 هەزار دۆلارە. 6- U2 گروپێكی میوزیكی ئێرلەندییەو ساڵی 1976 دامەزراوە، موچەی ئەندامانی ساڵانە 118 ملیۆن دۆلارە. 5- دواین جۆنسۆن یەكێكە لە ئەكتەرە دیارەكانی بواری نواندن و تەمەنی 46 ساڵە، موچەی ساڵانەی 124 ملیۆن دۆلارە. 4- جۆدی شیندڵ دادوەر و پێشكەشكاری تەلەفزیۆنی ئەمریكی، تەمەنی 76 ساڵەو موچەی ساڵانەی 147 ملیۆن دۆلارە. 3- كایڵی جێنەر ئەستێرەیەكی تەلەفزیۆنی راستەقینەیە و خوشكی كیم كارداشیانە، تەمەنی 20 ساڵە، موچەی ساڵانەی 166 ملیۆن و 500 هەزار دۆلارە. 2- جۆرج كڵۆنی ئەكتەرێكی ناوداری جیهانییەو تەمەنی 57 ساڵە، موچەی ساڵانەی 239 ملیۆن دۆلارە. 1-فلۆید مایوێزەر یاریزانی بۆكسێنی ئەمریكی و تەمەنی 41 ساڵەو یەكەمی ریزبەندیەكەی گرتوە، كە موچەی ساڵانەی 285 ملیۆن دۆلارە.