هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

به‌ میوانداری گۆران دیبه‌گه‌یی پارێزه‌ر و چالاكوانی مه‌ده‌نی له‌گه‌ڵ محه‌مه‌د مه‌عروف پارێزه‌ر و به‌ڕێوبه‌ری پرۆژه‌ی پاڵپشتی دادگا له‌ رێكخراوی DHRD, له‌ به‌شی یه‌كه‌می به‌رنامه‌ی (هێڵی سێیه‌م) گفتوگۆ له‌باره‌ی مه‌ترسییه‌كانی ده‌ستتێوه‌ردانی حیزبی و سیاسی له‌ ده‌سه‌ڵاتی دادوه‌ری كرا و كاریگه‌رییه‌كانی تێكه‌ڵبوونی ده‌سه‌ڵاته‌كان له‌سه‌ر ره‌وتی به‌دیهێنانی دادپه‌روه‌ری خرایه‌ روو. ‌ له‌ به‌شی دووه‌می به‌رنامه‌كه‌، به‌ میوانداری هه‌ر یه‌ك له‌ بابان جه‌عفه‌ر به‌رێوبه‌ری پرۆژه‌ی چاودێری په‌رله‌مان له‌ ئه‌نستیتیو‌تی په‌ی بۆ په‌روه‌رده‌ و گه‌شه‌پێدان و، شۆڕش ئه‌مین چالاكوانی مه‌ده‌نی، گفتوگۆ له‌باره‌ی ئه‌دای كاره‌كانی په‌رله‌مانی كوردستان و چۆنییه‌تی پیاده‌كردنی ده‌سه‌ڵاته‌كانی په‌رله‌مان كرا.