"توركیا بێی رۆسیا نەشێت چ ئۆپراسیۆنێن لەشكەری ل عەفرینێ‌ ئەنجام بدەت"

 – لوتفی دۆسكی - دهۆك

توركیا یا بەردەوامە ل سەر گەفێن خۆ ژبۆ هێرش كرنا ل سەر كانتۆنا عەفرینێ‌ ل رۆژئاڤایێ‌ كوردستانێ‌ و هێزێن خۆ ل دەوروبەرێن عەفرینێ‌ بۆ 20 هزار سەربازان زێدەكرینە ، ب نێرینا شارەزایەكێ‌ كاروبارێن سیاسەتا توركی حكومەتا ئەنقەرە بێی ڕێككەفتن ل گەل رۆسیا نەشێت چ ڤەلڤینێن سەربازی ل عەفرینێ‌ ئەنجام بدەت ، و كۆمكرنا وێ‌ هێزێ‌ ژی بتنێ‌ گەف و فشارە.
دكتور زێرەڤان بەرواری ماموستایێ‌ زانكۆیا دهوك و شارەزایێ‌ كاروبارێن سیاسەتا توركیا د داخۆیانیەكا تایبەت دا بۆ ڕادیۆیا نەوا ئاشكەرا كر ، كو توركیا دخوازیت ژ روویێ‌ جیۆپۆلیتیك ڤە ، دەڤەرەكا ئارام دروستكەت ژپێخەمەت پاراستنا ئاسایشا خۆ یا نەتەوەیی ، ئەو ئارمانجە ژی ب  كۆنترۆل كرنا عەفرینێ‌ بدەستڤە دهێت ، هەروەسا ب وێ‌ یەكێ‌ دێ‌ هەردوو كانتۆنێن جەزیرێ‌ و كۆبانێ‌ دێ‌ ژێك ڤەقەتن.
ب نێڕینا د.زێرەڤان بەرواری توركیا نەشێت بگەهیتە وێ‌ ئارمانجێ‌ بێی وەرگرتنا ڕازەمەندیا رۆسیا ، و ڕۆسیا ژی بێی هەڤكاری ل گەل ئەمریكا چ پێنگاڤێن ژ وی ڕەنگی نا هاڤێژیت ، چونكە بادەكا سوریا ژ كەڤانێ‌ خۆ یێ‌ لۆكاڵی دەركەفتیە و بوویە بادەكەكا هەرێمی و نێڤ دەولەتی. كو دێ‌ د 12ەمین كۆمبوونا گرۆپێ‌ 20 (G20) ل ئیساڵ ئەڤە مژارا سەرەكی بیت یا هەڤپەیڤینێن د نێڤبەرا ترەمپێ‌ سەرۆكێ‌ ئەمریكا و پۆتنێ‌ سەرۆكێ‌ رۆسیا بیت.
(G20) ساڵانە كۆمبوونەكێ‌ ئەنجام ددەت ل دور پرسێن گرنگێن جیهانی وبڕیارە ئیساڵ (2018) گرۆپێ‌ 20 كۆمبوونا خۆ یا 12ێ‌ ل باژێڕێ‌ (بوینس ئایرس) ل ئەرجەنتین ساز بكەت ، كو دێ‌ بیتە ئێكەمین جان (G20) كۆمبوونەكێ‌ ل كیشوەرێ‌ ئەمریكا باشوور گرێبدەت. بادەكا سوریا و رۆژئاڤایێ‌ كوردستانێ‌ ژی دێ‌ ئێك ژ مژارێن سەرەكی یێن وێ‌ گۆپیتكێ‌ بیت.



Share :

بابەتی زیاتر

ڕاپۆرت

  

  

  

  

  

ئەلبوم

سەرپێچی هاتوچۆ

لەگەڵمان بە لە facebook

کەش و هەوا

Website Design by Kurdsoft