عیراقێ‌ زێدەتر 18 ملیار دینار بۆ جۆتیارێن دهۆكێ‌ ڕەوانەكرن

– لوتفی دۆسكی – دهۆك


ل دەستپێكا ڤێ‌ حەفتیێ‌ حكومەتا بەغدا چەكەك ب كۆژمێ‌ 18 ملیار و 413 ملیۆن دینار ڕەوانەی دهوكێ‌ كریە ب مەبەستا دانا شایستێن دارایی یێن جۆتیارێن سنورێ‌ پارێزگەهێ‌ بەرامبەر فرۆتنا گەنمی ل ساڵا 2017ێ‌ ب حكومەتا عیراقێ‌ ، و بڤێ‌ یەكێ‌ پارێن وێ‌ ساڵێ‌ یێن  جوتیارێن دهۆكێ‌ ب تەمامی گەهشتن ، وئەو چەكە هاتیە ڕەوانەكرن بۆ بەنكا ناڤەندی ل هولێرێ‌ ،لێ‌ هێشتا یێن ساڵێن بوری(2014 ،2015 و 2016 ) ماینە
نازم محەمەد عەلی ڕێڤەبەرێ‌ بازرگانیا دەخل و دانی – تایێ‌ دهوك د داخۆیانیەكا تایبەت دا بۆ ڕادیۆیا نەوا ڕاگەهاند، كو ل 6ی ڤێ‌ مەهێ‌ چەكەك ب كۆژمێ‌ 18 ملیار و 413 ملیۆن دیناران ژ لایێ‌ وەزارەتا بازرگانیا عیراقێ‌ ڤە گەهشتیە دەستێ‌ وان كو پارێن جۆتیارێن پارێزگەها دهوكێ‌ نە بەرامبەر وی گەنمێ‌ ڕادەستی حكومەتا عیراقێ‌ كرین ل ساڵا 2017ێ‌ و ل 8ی ڤێ‌ مەهێ‌ ئەو چەكە هاتیە ڕەوانەكرن بۆ بەنكا ناڤەندی ل هەولێرێ‌ ، و دنها دا جۆتیارێن دهوكێ‌ ب تەمامی گەهشتنە مافێن خۆ یێن دارایی یێن ساڵا 2017ێ‌.
ڕێڤەبەرێ‌ بازرگانبا دەخل و دانی ل دهوكێ‌ ئاشكەرا ژی كر ، كو هێشتا پارێن ساڵێن بووری (2014 ، 2015 و 2016) یێن جوتیاران ماینە ل جەم حكومەتا عیراقێ‌ و هەتا نها ب تەمامی نە هاتینە دان . 
ئەگەرێ‌ گیروكرنا هنارتنێ‌ ژی ژ لایێ‌ حكومەتا عیراقێ‌ ڤە ، ناڤبری بۆ ناكۆكیێن سیاسی یێن د نێڤبەرا هەردوو حكومەتێن ناڤەند و هەولێرێ‌ دا ڤەگەرَاند ، كو بتنێ‌ شایستێن دارایی یێن جۆتیارێن هەرێما كوردستانێ‌ ماینە و یێن هەمی پارێزگەهێن دن یێن عیراقێ‌ هاتینە خەرج كرن.
جهێ‌ ئاماژێ‌ یە  هەتا نها پارێن جۆتیارێن پارێزگەها دهوكێ‌ یێن ساڵا 2014ێ‌ (18 ملیار و 539 ملیۆن دینار)، یێن ساڵا 2015ێ‌ (71 ملیار و 612 ملیۆن دینار) و یێ ساڵا 2016ێ‌ (111 ملیار و112 ملیۆن دینار ) ماینە ل دەف وەزارەتا بازرگانی یا حكومەتا عیراقێ‌ و هێشتا نە هاتینە خەرچ كرن.

Share :

زۆرترین بینراوە

بابەتی زیاتر

ڕاپۆرت

  

  

  

  

  

ئەلبوم

سەرپێچی هاتوچۆ

لەگەڵمان بە لە facebook

کەش و هەوا

Website Design by Kurdsoft