ناحیەی شۆڕش: دەستڕێژی گوللـە دوو قوربانی لێكەوتەوە

بەڕێوەبەری ناحیەی شۆڕشی سەر بە قەزای چەمچەماڵ دەڵێت، لە دوای نوێژی هەینی، بە دەستڕێژی گوللـە كەسێك كوژرا و یەكێكی دیكەش برینداربوو.
سەروەر ئەحمەد، بەڕێوەبەری ناحیەی شۆڕش رایگەیاند، دوای تەواوبوونی نوێژی هەینی لە مزگەوتی (شێخ عەبدولقادری گەیلانی)، لە نزیك مزگەوتەكە لە ناو ئۆتۆمبیلێكەوە دەستڕێژی گوللـە لە چەند هاوڵاتییەك كراوە و بەو هۆیەوە كەسێك كوژراوە و كەسێكی دیكەش برینداربووە.
وتیشی، هێزە ئەمنییەكان چوونەتە شوێنی ڕووداوەكە و لێكۆڵینەوەكان لەبارەی ڕووداوەكەوە بەردەوامن.
هاوكات ئەیوب حەمە جێگری بەڕێوەبەری تەندروستی چەمچەماڵ، ڕایگەیاند، ئەو كەسەی لە ڕووداوەكەدا كوژراوە تەمەنی ٦٧ ساڵ بووە و بریندارەكەش تەمەنی ٤٣ ساڵە و بەهۆی ناجێگیری باری تەندروستییەوە ڕەوانەی نەخۆشخانەكانی سلێمانی كراوە.

Share :

بابەتی زیاتر

ڕاپۆرت

  

  

  

  

  

ئەلبوم

سەرپێچی هاتوچۆ

لەگەڵمان بە لە facebook

کەش و هەوا

Website Design by Kurdsoft