نه‌وا
سه‌رۆكی هاوپه‌یمانی نیشتیمانی عێراق هه‌ڕه‌شه‌ی په‌نابردن بۆ دادگای نێوده‌وڵه‌تی ده‌كات له ئه‌گه‌ری دادگایی نه‌كردنی بكوژانی خۆپیشانده‌ران به‌شێوه‌یه‌كی ئاشكرا.
ئه‌یاد عه‌لاوی سه‌رۆكی هاوپه‌یمانی نشیتیمانی له تویتێكدا رایگه‌یاندوه،"په‌نا بۆ دادگای نێوده‌وڵه‌تی ده‌به‌ین و سكاڵا تۆمار ده‌كه‌ین، ئه‌گه‌ر بكوژانی خۆپیشانده‌رانی عێراق به ئاشكرا دادگایی نه‌كرێن".
ئه‌یاد عه‌لاوی نوسیویشیه‌تی: "ده‌بێت به‌رامبه‌ر ئه‌م گه‌له دادوه‌ری هه‌بێت".
به‌هۆی خۆپیشاندانه‌كانی عێراقه‌وه كه له سه‌ره‌تای مانگی رابردووه‌وه ده‌ستیان پێكرد، زیاتر له 300 كه‌س كوژراون و نزیكه‌ی 15 هه‌زار كه‌سیش برینداربوون.