نەوا
ئەمشەو کاتژمێر (10:30) بەکاتی کوردستان یاریی کۆتایی جامی لیبەرتادۆریس لە یاریگای سانتیاگۆ بێرنابیۆ ئەنجام دەدرێت و ڕۆژنامەیەک ناوی ئەو کەسایەتیانە ئاشکرا دەکات کە لەنێو یاریگادا ئامادە دەبن.
ڕۆژنامەی "مارکا" بڵاویکردۆتەوە، کە هەریەک لە جیانی ئینفانتینۆی سەرۆکی یەکێتی تۆپی پێی جیهان و ئەلیکساندەر چیفرینی سەرۆکی یەکێتی تۆپی پێی ئەوروپا و ئەلیخاندرۆ دۆمینگێزی سەرۆکی یەکێتی تۆپی پێی ئەمریکای لاتین لەسەر ئاستی باڵا ئامادە دەبن.
لەسەر ئاستی ڕاهێنەران و یاریزانە ناودارە جیهانیەکان، دیێگۆ سیمیۆنی و ئەنتوان گریزمان و دێگۆ گودین و مونۆ بۆرگۆس و میگێل ئەنخێل و جیل مارین لەیانەی ئەتلەتیکۆ مەدریدەوە ئامادە دەبن، هەروەها فلۆرنتینۆ پێرێزی سەرۆکی یانەی شاهانە کە خاوەنی یاریگایە ئامادە دەبێت، لە یانەی بەرشلۆنەوە لیۆ مێسی و 12 میوانی ئامادە دەبن لەنێوانیاندا ئەندامانی خێزانەکەیی و یاریزانانی بارسا بونیان هەیە.
هەریەک لە لوکاس تۆرێرای یاریزانی ئارسیناڵ و خاڤێر ساڤیۆلا و کامپیاسۆ و زانێتی لە ئەرجەنتینەوە ئامادە دەبن، لەبەرامبەردا کریستیانۆ ڕۆناڵدۆ و مارادۆنا و خۆرخی سامپاولی و خوان ڕۆمان ڕیکێلمی بەهۆکاری جیاواز داوەتنامەکەیان ڕەت کردۆتەوە و بڕیاریانداوە لە شاشەی تەلەڤیزیۆنەکانەوە بینەری یارییەکە بن.