نەوا
شارەزایان ئاشکرایان کردووە، جۆرێکی بەهارات سودی گەورە بەو کەسانە دەگەیەنێت کە دەیانەوێت کێشیان بەخێرایی داببەزێنن و جگە لەوەش ددانەکان سپی دەکاتەوە.
ماڵپەڕی "وان"ی ڕوسی ئاشکرای کردووە، بەپێی لێکۆڵینەوەی شارەزایان دەرکەوتووە کە زەردەچەوە و ئەو ڕووەکەی لێی دروست دەکرێت چەندین خەسڵەتی گرنگ و ناوازەی تێدایە، دەکرێت لە زۆر بواردا بەکار بهێنرێت.
بەکارهێنانی زەردەچەوە هۆکارێکی بەهێزە بۆ خێرا دابەزاندنی کێش و زانایان جەخت دەکەنەوە، ئەوانەی ئەم جۆرە بەهاراتە بەشێوەی ڕۆژانە بەکار دەهێنن هەمیشە خاوەنی جەستە و لەشولارێکی ڕێکن.
یەکێکی تر لە سودەکانی بریتیە لە سپی کردنەوەی ددانەکان و چۆنیەتی بەکارهێنانیشی بەشێوەی خواردن دەبێت لەگەڵ خۆراکدا، یاخود بەشێوەی ڕاستەوخۆ.

بۆ ئەوەی باشترین سود لە زەردەچەوە وەربگریت بۆ سپی کردنەوەی ددانەکان، دەتوانیت کەمێک لەم بەهاراتە بخەیتە سەر فڵچەی ددان پاککردنەوەکەت و بۆ ماوەی سێ خولەک ددانەکان و ناودەمتی پێ پاک بکەیتەوە، ئەم کردارەش لە هەفتەیەکدا سێجار و بۆ ماوەی یەک مانگ ئەنجام بدە و دەبینیت لەماوەی یەک مانگدا ئەنجامی چاوەڕوان نەکراو دەدات بەدەستەوە، بەشێوەیەکی گشتیش زەردەچەوە سودی بۆ تەندروستی ددان و پوک هەیە.
سەرچاوەکە ئەوەشی ئاشکرا کردووە، کە لە دێر زەماندا ڕوسی و هندی و چینیەکان زەردەچەوەیان هەر بۆ ئەو دوو مەبەستە بەکارهێناوە.