نەوا
یاریزانێكی هۆڵەندی لە یەك رۆژدا دووجار لە دوو ژنی جیاواز دەبێتە باوك و دادگاش داوای لێكۆڵینەوەی زیاتر لەوبارەیەوە دەكات.
سەرچاوەكانی هەواڵ بڵاویانكردوەتەوە، لۆرێنزۆ ئیبیسیلیۆ یاریزانی نێودەوڵەتی هۆڵەندی و یانەی "رێد ستار بەلەگراد"ی سڕبی لەیەك رۆژدا لە دوو ژنی جیاواز بووە بەخاوەنی كچ و كوڕێك و لێكۆڵینەوەكانیش لەوبارەیەوە دەستیانپێكردوە.
سەرەڕای ئەوەی تاقیكردنەوەی DNA سەلماندویەتی كە باوكی راستەقینەی هەردوو منداڵەكەیە، بەڵام دادوەر داوای لەیاریزانەكە كردووە تاقیكردنەوەی DNA ئەنجام بداتەوە بۆ سەلماندنی زیاتری باوكایەتی و تا 23ی ئەم مانگەی بۆ داناوە.
بەپێی راپۆرتە رۆژنامەوانیەكان، ئەو یاریزانە كە تەمەنی 27 ساڵە، لەگەڵ هەردوو ژنەكە بەناوەكانی ئانا باگاییڤا و داریا دانیلینا پەیوەندی هەبووەو ساڵی رابردوو هەردووكیان لە تەلەفزیۆنەكانی سڕبیاوە دەركەوتن و باسی پەیوەندیەكەیان لەگەڵ ئەو یاریزانە گەنجەدا كردوە.
جێی ئاماژەی لە رۆژی 17-2-2017 باگاییڤا كچێكی بووەو لەهەمان رۆژیشدا دانیلینا كوڕێكی بووە.
رونیشكراوەتەوە، یاریزانەكە دانی بەوەداناوە منداڵەكەی دانیلینا هی خۆیەتی، چونكە پەیوەندیەكەی لەگەڵ ئەو كچەدا بەئاشكرا بوە و لەئێستاشدا دایكی كچەكەی داوای هاوكاری دارایی لەیاریزانەكە دەكات و ئەویش ئامادەیە هاوكاری بكات، بەڵام تائێستا هیچ شتێكی پێشكەش نەكردوە.
تەئكیدیش كراوەتەوە، ئەگەر لۆرێنزۆ لەكاتی دیاریكراودا هیچ بەڵگەیەك پێشكەش نەكات، كە كچەكەی باگاییڤا هی ئەو نییە، ئەوا باوكایەتی خۆی دەسەلمێنێت.