فراكسیۆنی گۆڕان لە ئەنجومەنی نوێنەرانی عێراق خەمباری خۆی بەهۆی روداوی نقومبونی یەختەكەی موسڵەوە رادەگەیەنێت و داوا دەكات لێكۆڵینەوە لە روداوەكە بكرێت و لایەنی كەمتەرخەم سزا بدرێت.
لەبەیاننامەیەكدا فراكسیۆنی گۆڕان لە ئەنجومەنی نوێنەرانی عێراق داوا لەلایەنە پەیوەندیدارەكان دەكات كە لێكۆڵینەوەی ورد لە روداوی نقومبونی یەختەكەی موسڵ بكرێت و هەروەها هەمو ئەوانەی كەمتەرخەمن لەروداوەكەدا بەسزای یاسایی خۆیان بگەیەندرێن بۆ ئەوەی حاڵەتی لەو شێوەیە دوبارە نەبێتەوە.
فراكسیۆنی گۆڕان لەپەرلەمانی عێراق ئاماژەی بەوەشكردوە، لەگەڵ راگەیاندنی حاڵەتی ماتەمینی گشتیدان لەعێراقدا و هەروەها هاوخەمی خۆیشیان بۆ كەسوكاری قوربانییەكان دوپاتدەكەنەوە.