میسر.. پاسێكی گەشتیاران بووە ئامانجی تەقینەوەیەك

19/05/2019 جیهان

لە ئەنجامی كردنە ئامانجی پاسێكی گەشتیاران لە نزیك مۆزەخانەی گەورەی میسر لە نزیك ناوچەی هەرەمەكانی پارێزگای جیزە، 17 كەس بریندار بوون.
بەگوێرەی هەواڵەكان لە كاتی تێپەڕبوونی پاسە گەشتیارەكەدا بۆمبێكی چێنراو تەقیوەتەوە و بەهۆیەوە 17 كەس بریندار بوون.
لەناو بریندارەكاندا 7 هاوڵاتی باشوری ئەفریقا هەیە و ئەوانی دیكەش سەرجەمیان میسرین.
مۆزەخانەی نوێی میسر دەكەوێتە ناوچەی "ئەهرامات" لە پارێزگای جیزە، كە بە یەكێك لە دیارترین شوێنە گەشتیارییەكانی ئەو وڵاتە دادەنرێت و بڕیارە لە ساڵی داهاتوودا بكرێتەوە.
لە كۆتایی ساڵی ڕابردووشدا بەهۆی تەقینەوەیەكی دیكە لە ناوچەیەكی گەشیاری پارێزگای جیزە سێ گەشتیاری ڤێتنامی و هاوڵاتیەكی میسری كوژران و 12 كەسی تریش برینداربوون.

شەپۆلەکانی نەوا

Copyright © 2017 - Radio Nawa. Designed and Developed by Avesta Group