نەوا-كاروان مەحمود
ئەندامێكی لیژنەی دارایی لە پەرلەمانی عیراق دەڵێت: "تائێستا هیچ لێدوانێكی فەرمی نییە لەلایەن وەزارەتی دارایی حكومەتی عیراقەوە بۆ ناردنی مووچەی فەرمانبەرانی هەرێم پێش جەژنی رەمەزان".
شیروان میرزا ئەندامی لیژنەی دارایی لە پەرلەمانی عیراق بە رادیۆ نەوای راگەیاند، بەفەرمی هیچ زانیارییەك نەدراوەتە لیژنەی دارایی بۆ ناردنی مووچەی فەرمانبەرانی هەرێمی كوردستان لە پێش جەژنی رەمەزان.
ئەندامەكەی لیژنەی دارایی ئەنجومەنی نوێنەران راشیگەیاند، لەلایەن وەزارەتی دارایی حكومەتی عیراقەوە هیچ زانیارییەكی فەرمیش لەوبارەیەوە بڵاو نەكراوەتەوە".