نەوا
فڕۆكە جەنگییەكانی توركیا بۆردوومانی گوندی سپینداریان كرد لە قەزای ئامێدی سەر بە پارێزگای دهۆك، بەهۆیەوە سێ هاووڵاتی مەدەنی برینداربوون.
بەپێی زانیاریەكانی رادیۆ نەوا ئێوارەی رۆژی پێنج شەممە فڕۆكە جەنگییەكانی توركیا بەچڕی بۆردوومانی گوندی سپیندار-ی سەر بە قەزای ئامێدیان كرد و بەهۆیەوە سێ هاووڵاتی مەدەنی برینداربوون.
باس لەوەشكراوە، دوای بۆردوومانەكە بریندارەكان گەیەنراونەتە نەخۆشخانەی فریاكەوتنی دهۆك و بەهۆی بۆردومانەكەوە مەترسی لەناو هاووڵاتیان دروستبووەو كارەبای ناوچەكەش بەهۆی بۆردومانەكەوە بڕاوە.