نەوا
ئەمڕۆ یوكیا ئامانۆ سەرۆكی ئاژانسی نێودەوڵەتی وزەی ئەتۆم لە تەمەنی 72 ساڵیدا كۆچی دوایی كرد.
لەوبارەیەوە سكرتاریەتی ئاژانسی نێودەوڵەتی وزەی ئەتۆم راگەیەندراوێكی لەبارەی كۆچی دوایی سەرۆكی ئاژانسەكەوە بڵاوكردوەتەوە و تێیدا تیشك خراوەتەسەرئەوەی ناوبراو بەرلەوەی كۆچی دوایی بكات ویستویەتی دەست لەكارەكەی بكێشێتەوە، بۆیە بەشێك لەو پەیامەیان بڵاوكردۆتەوە، كە كۆچكردوو بۆ دەستەی جێبەجێكاری نوسیوە.
ئامانۆ لە پەیامەكەیدا جەختی لە كارە گرنگەكان كردۆتەوە لەپێناو بەكارهێنانی وزەی ئەتۆمی بە رێگای ئاشتیانە و نوسیویەتی "شانازی بە كارەكانمانەوە دەكەم. سوپاسی وڵاتانی ئەندام و كارمەندانی ئاژانس دەكەم".
یوكیا ئامانۆ دیپلۆماتكارێكی ژاپۆنی بو، لە ساڵی 2009ەوە سەرۆكایەتی ئاژانسی نێودەوڵەتی وزەی ئەتۆمی دەكرد.