سعودیە بە فەرمی ئێرانی بە هێرشەكانی سەر دوو كارگە نەوتییەكەی تۆمەتبار كرد

18/09/2019 جیهان

نەوا
ئێران بە فەرمی لە لایەن سعودیەوە تۆمەتبار كرا بە هێرشەكانی سەر دوو كارگەی نەوتی ئەو وڵاتە.
توركی مالكی وتەبێژی وەزارەتی بەرگری سعودیە لە كۆنفرانسێكی رۆژنامەوانیدا رایگەیاند، بەڵگەی سەلمێنەریان لەبەردەستدایە كە ئێران بەشدارە لەو هێرشەی رۆژی شەممە كرانە سەر كارگە نەوتییەكانی خرێس و بەقیق.
وتیشی: هێرشەكان لە خاكی یەمەنەوە ئەنجامنەدراوە و ئەو دوو كارگە نەوتیەی سعودیە لە بەری باكورەوە كراونەتە ئامانج.
وتەبێژی وەزارەتی بەرگری سعودیە پاشماوەی ئەو موشەك و فڕۆكە بێ فڕۆكەوانانەشی نمایش كرد، كە لە هێرشەكەی سەر دوو كارگە نەوتیەكەی وڵاتەكەی بەكراهێنرابوون.
بەهۆی ئەو دوو هێرشەوە ئاستی بەرهەمهێنانی نەوتی سعودیە بۆ نزیكەی نیوە دابەزی، هەر بۆیە ریاز و واشنتۆن هێرشەكەیان بە پەلاماردانی بازرگانی جیهانیی وزە ناوبردووە.

شەپۆلەکانی نەوا

Copyright © 2017 - Radio Nawa. Designed and Developed by Avesta Group