ئه‌مریكا سزای 9 دامه‌زراوه‌ و كه‌سایه‌تیی دا كه‌ زۆربه‌یان له‌ توركیان

19/11/2019 جیهان

نه‌وا
ئه‌مریكا سزای به‌سه‌ر ژماره‌یه‌ك دامه‌زراوه‌ و كه‌سایه‌تیدا سه‌پاند، كه‌ زۆربه‌یان له‌ توركیا كارده‌كه‌ن و تۆمه‌تبارن به‌ هاوكاریكردنی دارایی و لۆجستیی رێكخراوی داعش.
وه‌زاره‌تی گه‌نجینه‌ی ئه‌مریكا له‌ به‌یاننامه‌یه‌كدا ئاشكرایكرد، به‌تۆمه‌تی هاوكارییكردنی دارایی داعش، 5 دامه‌زراوه‌ و 4 كه‌سایه‌تییان سزاداوه‌، كه‌ زۆربه‌ی سزادراوه‌كان له‌ توركیا كارده‌كه‌ن.
ستیڤن منوچین وه‌زیری گه‌نجینه‌ی ئه‌مریكا له‌ به‌یاننامه‌كه‌دا دوپاتیكرده‌وه‌، سزادانی ئه‌و قه‌واره‌ و كه‌سایه‌تییانه‌ له‌چوارچێوه‌ی هه‌وڵه‌كانی ئیداره‌ی ئه‌مریكادایه‌ بۆ تێكشكاندن و له‌ناوبردنی شانه‌ تیرۆریستییه‌كانی داعش كه‌ هێشتا ماون.
وه‌زیری گه‌نجینه‌ی ئه‌مریكا رونیشیكرده‌وه‌، 3 دامه‌زراوه‌ و 2 كه‌سایه‌تیی سزادراو له‌ توركیان، دامه‌زراوه‌ و كه‌سایه‌تیه‌كیش له‌ ئه‌فغانستانن، دامه‌زراوه‌یه‌كیش له‌ سوریایه‌ و كه‌سایه‌تیه‌كیش له‌ كوه‌یته‌.

شەپۆلەکانی نەوا

Copyright © 2017 - Radio Nawa. Designed and Developed by Avesta Group