نەوا
لیژنە هاوبەشەكانی سەربە قایمقامیەتی قەزای مەڵبەندی سلێمانی دەستیان بەسەر 65 كێس ئاوی لەدەبەنراوی خواردنەوەدا گرت كە لەبەر تیشكی خۆر و پلەی گەرمای بەرز دانراوە، ئەمەش پێچەوانەی مەرج و رێنماییەكانی كاركردنە.
لەشكر حەمید سەرۆكی لیژنە هاوبەشەكانی قایمقامیەتی سلێمانی رایگەیاند: بەهۆی پابەندنەبون بە مەرج و رێنماییەكانی كاركردن و گواستنەوەی ئاوی لە دەبەنراو لەبەر تشیكی خۆر و پلەی گەرمی بەرز، لیژنەكانی قائیمقامیەت دەستیان بەسەر بارهەڵگرێكدا گرتوە كە (65) كێس ئاوی بۆ بازاڕ گواستوەتەوە.
ناوبراو ئاماژەی بۆ ئەوەشكرد: بەفەرمانی قائیمقامی سلێمانی دەست بەسەر بارهەڵگرەكەدا گیراوە و سەرجەم كێسە ئاوە لەدەبەر نراوەكە لەناودەبرێت و خاونەكەشی روبەڕوی رێكاری یاسایی دەكرێتەوە.
وتیشی: بەپێی رێنماییەكان نابێت ئاوی لەدەبەنراو لە شوێنی گەرم و بەرتیشكی خۆر عەمبار بكرێت یان بگوازرێتەوە، چونكە بەهۆی كارلێكی كیمیاییەوە ئاوی ناو دەبە پلاستیكەكان دەبێتە هۆكارە كەمبونەوەی بەرگری لەش و زیان بەتەندروستی مرۆڤ دەگەیەنێت، بەرزبونەوەی پلەی گەرمی بۆ (25) پلەی سەدی، بەشێكی پلاستیكەكە لەگەڵ ئاوەكە كارلێك دەكات دەبێتە هۆكاری سەرەكی بۆ توشبون بەنەخۆشی شێرپەنجەو تێكچونی هۆرمۆنەكان بەتایبەت لەخانماندا.