نەوا-
هەردو فراكسیۆنی هەڵوێست و كۆمەڵی دادگەریی لە پەرلەمانی عیراق سەردانی محەمەد شیاع سودانی سەرۆك وەزیرانیان كردو بەپێی راگەیەنراوێك، بە وردی باسیان لە هەنگاونان بەئاڕاستەی چارەسەری كێشە سیاسی و ئابورییەكان كردوەو هەردو شاندەكە جەختیانكردوەتەوە لەسەر پێویستی بەدوورگرتنی عیراق لەجەنگ و ململانێكان و هەنگاوەكان بۆ پاراستن و بەهێزكردنی ئابوری عیراق.
راشگەیەنراوە كە شاندە هاوبەشەكە داوایان لە سەرۆك وەزیران كردوە شایستە داراییەكانی خەڵكی كوردستان پارێزراوبێت و لەكاتی خۆیدا بنێردرێت بەتایبەت موچەو پارەی گەنمی جوتیاران و دەرمان و سەرجەم شایستە فیدراڵییەكان.
لەلایەن خۆشیەوە سودانی جەختیكردوەتەوە لەسەر بونی ئاڵنگاری گەورە لەبەردەم عیراقدا لەسەرجەم بوارەكاندا، هەروەها دڵنیاییداوە كە بەردەوامی موچەی موچەخۆرانی هەرێم پێویستی بە جێبەجێكردنی یاساو رێكەوتنەكان هەیە.