شەقام پێشکەشکار : لاڤە كوردە

خواست و داواكارییه‌كانی شه‌قامی كوردستان له‌پرۆگرامی شه‌قامدا گوێبست بن، به‌رنامه‌یه‌كی‌ رۆژانەیە و لە یەكشەممە تا پێنجشەممەی هەموو هەفتەیەك كاتژمێر 12ی نیوەڕۆ پێشكه‌شتان ده‌كرێت، ئێوه‌ش گوێبیستی گرفت و چاره‌سه‌ره‌كان بن.

ئه‌نجومه‌نی وه‌زیرانی هه‌رێم پرۆژه‌یه‌كی نوێ بۆ پارێزگای هه‌ڵه‌بجه‌ راده‌گه‌یه‌نێت، كه‌ دروستكردنی پردی (توه‌قوته‌) و پارێزگای هه‌ڵه‌بجه‌ ده‌به‌ستێته‌وه‌ به‌ هه‌ردوو قه‌زای ده‌ربه‌ندیخان و شاره‌زور، هه‌روه‌ها چاكسازی رێگاوبانه‌كانی سنوری هه‌ڵه‌بجه‌ش ده‌ستپێده‌كات. له‌ به‌رنامه‌ی ئه‌مڕۆی "شه‌قام"دا له‌گه‌ڵ كاوه‌ عه‌لی جێگری پارێزگاری هه‌ڵه‌بجه‌ و مه‌هدی عه‌بدولكه‌ریم به‌ڕێوه‌به‌ری رێگاوبانی هه‌ڵه‌بجه‌ ده‌رباره‌ی ئه‌و پرۆژه‌یه‌ و ته‌واوی پرۆژه‌كانی تر له‌و پارێزگایه‌ گفتوگۆ كرا.