هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

له‌م ئه‌ڵقه‌یه‌ی به‌رنامه‌ی "هێڵی سێیه‌م" به‌ میوانداری نه‌ژاد ئه‌بوبه‌كر پارێزه‌ر و به‌رپرسی پرۆژه‌ی گێڕانه‌وه‌ی مافه‌كانی مرۆڤ له‌ رێكخراوی هارتلاند، له‌ ته‌وه‌ری یه‌كه‌می به‌رنامه‌كه‌دا گفتوگۆ له‌باره‌ی بوونی ئه‌شكه‌نجه‌دان له‌ناو ده‌زگا ئه‌منییه‌كانی پۆلیس و ده‌زگای ئاسایش و مافه‌كانی زیندانیان خرایه‌ روو. له‌ ته‌وه‌ری دووه‌می به‌رنامه‌كه‌دا له‌گه‌ڵ هه‌ر یه‌ك له‌ زیا بوترس سه‌رۆكی ده‌سته‌ی سه‌ربه‌خۆی مافه‌كانی مرۆڤ و موقه‌ده‌م دارا فاروق به‌رێوبه‌ری به‌رێوبه‌رایه‌تی به‌ره‌نگاربوونه‌وه‌ی بازرگانیكردن به‌ مرۆڤ، جۆر و شێوه‌كانی بازرگانیكردن به‌ مرۆڤ و قوربانییه‌كانی له‌ هه‌رێمی كوردستان و رێگاكانی به‌ره‌نگاربوونه‌وه‌ی تاوتوێ كران.

شەپۆلەکانی نەوا

Copyright © 2017 - Radio Nawa. Designed and Developed by Avesta Group