هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

له‌ به‌شی یه‌كه‌می به‌رنامه‌ی "هێڵی سێیه‌م" به‌ میوانداری هه‌ریه‌ك له‌ رۆژنامه‌وان ئازاد عوسمان به‌ڕێوبه‌ری رادیۆی ده‌نگ له‌ كه‌لار و رۆژنامه‌نووس شێروان شێروانی سه‌رنوسه‌ری پێشوی گۆڤاری باشوور، گفتوگۆ له‌باره‌ی رۆژی ئازادی رۆژنامه‌گه‌ری جیهانی و ئاسته‌نگه‌كانی به‌رده‌م میدیا له‌ هه‌رێمی كوردستان كرا. له‌به‌شی دووه‌می به‌رنامه‌كه‌شدا به‌ میوانداری پارێزه‌ری یاسایی محه‌مه‌د مه‌عروف به‌ڕێوبه‌ری پرۆژه‌ی پاڵپشتی دادگا له‌ سه‌نته‌ری په‌ره‌پێدانی دیموكراسی و مافه‌كانی مرۆڤ DHRD و مافپه‌روه‌ر شوان سابیر، سه‌ربه‌خۆبوونی دادگاكان و یانزه‌یه‌مین راپۆرتی پرۆژه‌ی پاڵپشتی دادگا، تاووتوێ كرا.