هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

له‌ به‌شی یه‌كه‌می به‌رنامه‌ی "هێڵی سێیه‌م" به‌ میوانداری د.هه‌ڵۆ مسته‌فا عه‌سكه‌ری سه‌رۆكی ده‌سته‌ی پاراستن و چاككردنی ژینگه‌ی هه‌رێمی كوردستان، گفتوگۆ له‌باره‌ی سیاسه‌ت و ستراتیجی حكومه‌تی هه‌رێم بۆ ژینگه‌ و چۆنییه‌تی مامه‌ڵه‌كردن له‌گه‌ڵ سه‌رچاوه‌كانی پیسبوونی ژینگه‌ له‌ هه‌رێمی كوردستان كرا. له‌به‌شی دووه‌می به‌رنامه‌ی "هێڵی سێیه‌م" به‌ میوانداری د.سه‌روه‌ر عه‌بدولڕه‌حمان، گفتوگۆ له‌باره‌ی په‌روه‌رده‌ و خوێندن له‌ هه‌رێمی كوردستان و كاریگه‌رییه‌كانی ده‌ستتێوه‌ردانی حزبی له‌سه‌ر بڕیار و ئاستی په‌روه‌رده‌ و خوێندن كرا.