ڕاستەوخۆ

کوردی

عربي

نەوا میوزیك

جێگری سەرۆكی پەرلەمانی ئێران داوای پۆستی وەزاری دەكات بۆ سوننەكان

4 رۆژ پێش ئێستا جیهان

 

عەلی موتەهەری جێگری سەرۆكی پەرلەمانی ئێران رایگەیاند، پێویستە نوێنەرانی سوننە لەكابینەكەدا بەشداربن و ئەمەش پێویستییەكی یەكڕیزیی ئیسلامە.
بەپێی هەواڵێكی ماڵپەڕی "ئینتخاب"، لەمیانەی وتارێكیدا لە كۆبوونەوەیەكدا لە تارانی پایتەخت، جێگری سەرۆكی پەرلەمانی ئێران، رەخنەی لە جیاكارییەكان گرتووە كە لە وڵاتەكەیدا بەرانبەر كەمینە ئاینییەكان ئەنجامدەدرێت.
موتەهەری رایگەیاندووە كە ئیسلام جیاكاریی لەنێو كۆمەڵگادا قەدەغەكردووە و وتی، "لەقورئانی پیرۆزدا باس لە سێ فاكتەر كراوە كە دەبنە هۆی شكستی كۆمەڵگا. یەكێكیان ستەمە. ئەگەر ستەم بەسەر دادپەروەریدا سەربكەوێت، ئەم كۆمەڵگەیە شكست دەهێنێت".
پەرلەمانتاری تاران موتەهەری رایگەیاند، پێویستە نوێنەرانی سوننە لە كابینەی حكومەتدا بەشداربن و وتی، "هیچ كێشەیەك نییە لەوەدا كە سوننەكان ببنە وەزیر. پێویستە بەگوێرەی یەكڕیزیی ئیسلام هەڵسوكەوت بكەین".
پرسی بەشداریپێنەكردنی سوننەكان لە حكوومەتی ئێراندا كە رێژەی زیاتر لە 10% ی دانیشتوانی ئەو وڵاتە پیكدەهێنن، زۆر جاران رەخنە و ناڕەزایەتی لێكەوتۆتەوە بەڵام تا ئێستا بە كردار هەنگاوی بۆ نەنراوە و هیچ سونەیەك نەبوەتە وەزیر.

شەپۆلەکانی نەوا

  • زۆرترین خوێندراو
  • دواترین هەواڵ
Copyright © 2017 - Radio Nawa. Designed and Developed by Avesta Group