پیاوێكی عیراقی هەوڵی دا بە مەلە لە فەرەنساوە بپەڕێتەوە بەریتانیا بەڵام...

17/07/2019 جیهان

نەوا
پیاوێكی عیراقی دوای ئەوەی هەوڵدەدات لە كەناراوەكانی فەرەنساوە بە مەلە بپەڕێتەوە بەریتانیا، بەڵام دوای زیاتر لە 2 كاتژمێر مەلەكردن، بەلەمێك شكست بەهەوڵەكەی دەهێنێت.
رادیۆی "بلو فەرەنسا" بڵاویكردوەتەوە، دوێنێ كۆچەرێكی عیراقی، كە تەمەنی 47 ساڵە، هەوڵی داوە بە مەلە لە كەناراوەكانی باشوری فەرەنساوە بە كەنداوی ئینگلیزیدا بپەڕێتەوە بەریتانیا، بەڵام لە كاتژمێر 6 و 30 خولەكی بەرەبەیاندا بەلەمی دەریاوانەكان بینیویانە و دەسەڵاتدارانیان ئاگاداركردوەتەوە.
پاش بەدیكردنی كۆچەرەكە، بەلەمێك نێردراوە بۆ ناوچەكە و پیاوەكە لە ئاوەكەدا دەرهێنراوە، كە كەمێك پلەی گەرمی لەشی دابەزیوە، دواتر نێردراوەتە نەخۆشخانە و پاشانیش رادەستی پۆلیسی سنور كراوە و رەوانەی كەمپی پەنابەران كراوە.
بەپێی زانیاریەكان، ئەو كۆچەرە زیاتر لە 2 كاتژمێر مەلەی كردوە و دوای رزگاركردنی ماندوێتی و دابەزینی پلەكانی گەرمای پێوە دیار بوە.
هەزاران كۆچەری وڵاتە عەرەبی و ئەفریقیەكان لە كەمپی كالێ لە باكوری فەرەنسادا نیشتەجێن و بەردەوام هەوڵی پەڕینەوە بۆ بەریتانیا دەدەن.


شەپۆلەکانی نەوا

Copyright © 2017 - Radio Nawa. Designed and Developed by Avesta Group