نه‌وا
وه‌زاره‌تی ته‌ندروستی عیراق رایگه‌یاند، له 24 كاتژمێری رابردوودا نۆ كه‌سی تر به كۆرۆنا گیانیان له‌ده‌ستداوه.
به‌پێی راگه‌یه‌نراوه‌كه‌ی ته‌ندروستی، له كۆی ئه‌و نۆ حاڵه‌ته‌ی مردن سێ حاڵه‌ت له كه‌ركوك و سێ حاڵه‌تیش له هه‌رێمی كوردستان تۆمار كراون.
ئاماژه‌ی به‌وه‌شكردووه، 645 حاڵه‌تی نوێی تووشبوون به كۆرۆنا له‌سه‌رتاسه‌ری عێراق تۆمار كراون و هه‌زار و 531 كه‌سیش چاكبوونه‌ته‌وه.
تائێستا زیاتر له 608 هه‌زار حاڵه‌تی تووشبوون به كۆرۆنا له عیراق تۆمار كراون، كه رێژه‌ی 93.6%ی تووشبوان چاكبوونه‌ته‌وه و 12 هه‌زار و 944 كه‌سیش گیانیان له‌ده‌ستداوه.