كۆمپانیای هێڵی ئاسمانی عیراق رەتیكردەوە فڕۆكەیەكی هێڵی ئاسمانیان بە ناچاری نیشتبێتەوە.
لە راگەیەنراوێكدا كۆمپانیای هێڵی ئاسمانی عیراق بڵاویكردۆتەوە، لەبارەی ئەو هەواڵەی گوایە یەكێك لە فڕۆكەكانی هێڵی ئاسمانی عیراق كە بەرەو بەیروتی پایتەختی لوبنان گەشتیكردوەو بە ناچاری نیشتۆتەوە دورە لە راستیەوە.
راشیگەیاندوە، راستی روداوەكە بەو شێوەیەیە كە فڕۆكەكە كاتێك گەشتی ئەو وڵاتەی هەبوە لەفڕۆكەخانە هەڵنەفڕیوە بەڵكو گەشتەكەی گۆڕانكاری بەسەردا هاتوەو فڕۆكەیەكی تر ئامادەكراوە بۆ گواستنەوەی گەشتیاران.
لەلایەكی ترەوە سەرچاوەكانی هەواڵ باس لەوە دەكەن، گۆڕینی فڕۆكەكە بەهۆی هەبونی كێشەی هونەرییەوە بوە كە بۆتە هۆكاری دواكەوتنی گەشتیاران لەو گەشتەیاندا بۆ لوبنان.