نه‌وا-ئارام حسێن-دهوك
به‌ری نیڤرویا ئه‌ڤرو روژا ئێك شه‌مبی 21-10-2018 ژماره‌كا قوتابیێن ده‌رچویێن پولا 12ێ ئاماده‌یی خرڤه‌بونه‌كا نه‌رازیبونێ ب رێپیڤان ئه‌نجام دان لبه‌رده‌م ئه‌نجومه‌نێ پارێزگه‌ها دهوك په‌یامه‌ك لایه‌نێن په‌یوه‌ندیدار كر و داخوازكرن كو سیسته‌مێ وه‌رگرتنا قوتابیان ل زانكو و په‌یمانگه‌هان بهێته‌ گوهارتن ژبه‌ر كو نه‌ عه‌داله‌تی تێدایه‌ و گه‌له‌ك قوتابی بێ به‌هركرینه‌ ژ خواندنێ .
د به‌یانامه‌یه‌كێ دا كو ب ناڤێ قوتابیێن نه‌رازی ل دهوكێ هاتبو ئاراسته‌كرن داخواز ژ لایه‌نێن په‌یوه‌ندیدار ژ حكومه‌ت و په‌رله‌مانێ كوردستانێ و ئیداره‌یا خوجهی یا پارێزگه‌ها دهوك هاته‌كرن كو ب زوترین ده‌م چاره‌سه‌ریه‌كێ بو ده‌رچویێن پولا 12ێ بینن و سیسته‌مێ 30-70ژسه‌دێ ب هه‌لوه‌شینن ژبه‌ر كو سیسه‌ته‌م بویه‌ ئه‌گه‌ر كو سته‌م ل گه‌له‌ك قوتابیان بهێته‌ كرن كو هند قوتابیان نمره‌یێن بلند ئیناینه‌ ناڤێن وان  ل زانكویێن ل ئاستێ نمره‌یێن وان كێمتر بو هاتیه‌ هه‌روه‌سان هند قوتابی ژی هاتینه‌ بێ به‌شكرن و ناڤێ وان ل چ زانكو و په‌یمانگه‌هان نه‌هاتیه‌.
قوتابیێن نه‌رازی دیاركرن ژی ئه‌گه‌ر پێداچون نه‌هێنه‌ ئه‌نجام دان و چاره‌سه‌ری بو كێشه‌یێن وان نه‌هێنه‌ دیتن دێ وان چه‌ند هه‌لوستێن دی تر هه‌بن.