ڕاستەوخۆ

کوردی

عربي

نەوا میوزیك

(ڤیدیۆ) کیا به‌ "پیک ئاپ"ی دوو نه‌فه‌ری "سپۆرت"‌ وه‌ڵامی هیۆندای و تۆیۆتا ده‌داته‌وه‌ ‌!

5 رۆژ پێش ئێستا هەمەڕەنگ

نه‌وا
کۆمپانیای کیا-ی کۆری له‌پلانیدایه‌ به‌م نزیکانه‌ ئوتۆمبێلێکی جۆری "پیک ئاپ - pickup"ی جیاواز له‌ کۆمپانیاکانی تر بخاته‌ بازاڕوه‌.
ماڵپه‌ڕی "ئاوتۆ کار" له‌زاری سه‌رچاوه‌ ناوخۆییه‌کانی کۆمپانیای کیا-وه‌ ئاشکرای کردووه‌، به‌م نزیکانه‌ کۆمپانیا ناوداره‌که‌ ئوتۆمبێلێکی جۆری "پیک ئاپ" ده‌خاته‌ بازاڕوه‌ که‌ له‌ شێوه‌ و خه‌سڵه‌ته‌ میکانیه‌کانیدا ناوازه‌یه‌ و به‌دووریش نازانرێت پێشی کۆمپانیاکانی هیۆندای و تۆیۆتاى ژاپۆنی بده‌نه‌وه‌.
له‌م باره‌یه‌وه‌ لوک دۆنکیر ڤۆلکێ، گه‌وره‌ دیزاینه‌ری کۆمپانیای "کیا" ڕایگه‌یاندووه‌ :" پیک ئاپه‌ نوێیه‌که‌ی کیا له‌سه‌ر هه‌یکه‌لی هیۆندای "کریتا" دروست ده‌کرێت، به‌وپێیه‌ی له‌ماوه‌ی رابردودا کۆمپانیای هیۆندای به‌هه‌مان شێوه‌ جۆرێکی نوێی پیک ئاپی خسته‌ بازاڕه‌وه‌، به‌ڵام له‌ دیزاین و هێزدا باشتره‌ و ڕه‌نگه‌ کڕیاران بێشومار ڕوو له‌ کڕینی بکه‌ن".

 

"هێنده‌ جوانه‌ پیاسه‌ی پێبکه‌ و کاروباریشی پێ ئه‌نجام بده‌"

به‌پێی زانیارییه‌کانی ڤۆڵکێ، پیک ئاپه‌که‌ی "کیا" له‌ دیزاینی ده‌ره‌وه‌ و ناوه‌وه‌دا هاوشێوه‌ی ئوتۆمبێله‌ گرانبه‌هاکان ده‌بێت، سپۆرته‌ و جێگه‌ی دوو سه‌رنشینی هه‌یه‌ به‌شێوه‌یه‌کی ناوازه‌ دیزاین کراوه‌ که‌ شۆفێر ده‌توانێت بۆ گه‌ڕانی ئاسایی و کاروباری ڕۆژانه‌ به‌کاری بهێنێت، تایه‌ و سپێره‌کانی به‌ قه‌باره‌ی (20 ئینچ) به‌رهه‌م ده‌هێنرێت به‌ "ویل که‌پی" سه‌رده‌میانه‌وه‌، هه‌روه‌ها سیستمی "فۆر ویل درایڤ"ی تێدا به‌کارده‌خرێت و بۆکسی گێڕه‌که‌شی تا شه‌ش خێرایی به‌ شۆفێر ده‌دات.
له‌ماوه‌ی رابردودا کۆمپانیای "هیوندای" ئوتۆمبێلی جۆری "کریتا"ی به‌شێوه‌ی "پیک ئاپ" خسته‌ بازاڕه‌وه‌ و سه‌رکه‌وتنێکی گه‌وره‌ی به‌ده‌ست هێنا، تا ئێستا نه‌زانراوه‌ "کیا" که‌ی هه‌مان هه‌نگاو ده‌نێت، به‌ڵام هه‌موو ئه‌گه‌ره‌کان به‌و ئاڕاسته‌یه‌ن له‌ ساڵی 2020 ئوتۆمبێله‌ نوێیه‌که‌ی نمایش بکات و پاشان هه‌ر له‌و ساڵه‌دا بۆ فرۆشتن بیخاته‌ به‌رده‌م کڕیاران.

شەپۆلەکانی نەوا

  • زۆرترین خوێندراو
  • دواترین هەواڵ
Copyright © 2017 - Radio Nawa. Designed and Developed by Avesta Group