نەوا

سێو تاکە میوە نییە کە سودی گەورە بە مرۆڤ بگەیەنێت، بەڵکو خواردنی مۆزێک و دووان لە ڕۆژێکدا مرۆڤ لە جەڵتە و چەندین نەخۆشی تری دڵ دەپارێزێت.
ڕۆژنامەی "ئیندیپێندیت"ی بەریتانی ئەنجامی توێژینەوەیەکی نوێی سەبارەت بە مۆز و سودەکانی خواردنی ئەم میوە ناودارە ئاشکرا کردوە.
بەپێی سەرچاوەکە، توێژەران و زانایانی زانکۆی ئالاباما لە ئەمریکا تاقیکردنەوەیان لەسەر سەدان مشکی سپی کردووە و پۆلێنیان کردوون بۆ دوو بەش، ئەو مشکانەی پۆتاسیۆم لە جەستەیاندا زۆرە و ئەوانەی بەپێچەوانەوە پۆتاسیۆمیان کەمە و دەرکەوتووە ئەوانەی پۆتاسیۆمیان کەمترە دووچاری جەڵتەی دڵ و چەندین نەخۆشی ڕەقبونی خوێنبەرەکان و کێشەی ماسولکەیی دڵ دەبن، بەپێچەوانەشەوە ئەوانەی پۆتاسیۆمیان زۆر بووە تەندروستی دڵیان زۆر باشتر بووە.
مۆز یەکێکە لەو خۆراکانای پۆتاسیۆنی زۆری تێدایە، بۆیە توێژەرەوەکان جەختیان کردۆتەوە، ئەگەر مرۆڤ ڕۆژانە مۆزێک و دووان بخوات بەدوور دەبێت لە جەڵتەی دڵ و هەموو ئەو نەخۆشیانەی توشی ئەم ئەندامە گرنگەی جەستە دەبن، ئەگەر کەسێکیش نەتوانێت ڕێژەی تەواوی پۆتاسیۆم لە مۆزەوە بەدەست بهێنێت، دەکرێت پشت بە خۆراکە بەدیلەکان ببەستێت کە پێکهاتون لە قەڕنابیتی ڕەش و پەتاتە و ماسی.