یەكینەكانی پاراستنی گەل (یەپەگە) بە ئاماژەدان بە هەڕەشەكانی توركیا بۆ سەر منبج داوا دەكات حكومەتی سوریا ئەو ناوچەیە بپارێزێت.
لە راگەیەنراوێكدا فەرماندەیی یەكینەكانی پاراستنی گەل (یەپەگە) باسی لەوەكردووە، هەڕەشە بەردەوامەكانی توركیا بۆ پەلاماردانی باكوری سوریا مەترسی كاولكاری و ئاوارەبوونی دانیشتوانە ئاشتی خوازەكەی لێدەكرێت، هاوشێوەی ئەوەی لە جەرابلوس، باب، ئەعزاز و عەفرین روویدا.
راشیگەیاندووە، بە هۆی ئەوەی ئەو ناوچانە لە رووی خاك، گەل و سنورەوە سەر بە حكومەتی دیمەشقن، بۆیە داوا لە هێزە چەكدارەكانی سوریا دەكەین ناوچەكانی منبج و دەوروبەری لە بەرامبەر توركیا بپارێزن.