دوای ئەوەی بە دەستڕێژی گولە، عەلا مەشزوب، نوسەری عێراقی لە شاری كەربەلا كوژرا، نوسەران و رۆشنبیرانی ئەو شارە گردبوونەوەیەكی ناڕەزایەان ئەنجامدا.
لە گردبوونەوەكەدا داواكرا دەزگا ئەمنیەكان هەوڵەكانیان بۆ دۆزینەوەی بكوژ یان بكوژانی ئەو نوسەرە چڕبكەنەوە و بیانبەنە بەردەم دادگا.
جێی باسە شەوی شەممە عەلا مەشزوب بە دسەتڕێژی گولە كوژرا و پۆلیس و دەزگا ئەمنیەكانی كەربەلاش رایانگەیاندووەو، بەردەوامن لە لێكۆڵینەوەكانیان بۆ دۆزینەوەی ئەنجامدەرانی ئەو تاوانە.
عەلا مەشزوب ساڵی 1968 لە دایكبووە و كۆلێژی هونەرە جوانەكانی بەغدای لە ساڵی 1993 تەواوكردووە و بڕوانامەی ماستەریشی لە ساڵی 2009 بەدەستهێناوە و دواتر لە ساڵی 2014 دكتۆرای لە ئەدەب و هونەردا بە دەستهێناوە و خاوەنی چەندین كتێب و رۆمانە.