نەوا-رۆژیار سیروان-سلێمانی
مەڵبەندی ئیشی دەست لە سلێمانی، 30یەمین پێشانگای كردەوە و سەرپەرشتیاری پێشانگاكەش دەڵێت، ساڵانە ئەم پێشانگایە بۆ نمایشكردنی كارەكانی مامۆستایانی بەشی هونەر دەكرێتەوە.
لەبارەی پێشانگاكەوە، كاوە جوتیار مامۆستا و سەرپەرشتیاری پێشانگاكە بەرادیۆ نەوای راگەیاند، مەڵبەندی ئیشی دەست لە ساڵی 1970 دامەزراوە و سەربە بەڕێوەبەرایەتی پەروەردەی سلێمانییە و ساڵانە ئەم پێشانگایە دەكەنەوە بۆ خستنەڕوی ئەو كارانەی مامۆستایانی بەشی هونەر لەو ساڵەدا دروستیان كردوە.
وتیشی "پێشانگاكەی ئەمساڵ بەشەكانی رستن و چنین و سیرامیك و تابلۆ لەخۆدەگرێت".
مەڵبەندی ئیشی دەستی سەربە بەرێوەبەرایەتی پەروەردەی سلێمانیە و ساڵانە كاری دەستی مامۆستایان دەخاتەڕو.
