نەوا-رۆژیار سیروان-سلێمانی
بەمەبەستی دەرخستنی تواناكانیان، رێكخراوی خوشكانی ئیسلامی پێشانگایەكیان بۆ ژمارەیەك لە ژنانی سلێمانی كردەوە و بڕیارە ماوەی 2 رۆژ بەردەوام بێت.
لەوبارەیەوە مەهاباد عەبدول حەمەعەزیز ئەندامی سكرتاریەتی رێكخراوی خوشكانی ئیسلامی بە رادیۆ نەوای راگەیاند، رێكخراوی خوشكانی سلێمانی بەهاوبەشی رێكخراوی قوتابیان پێشانگایەكیان بۆ ئەو خانمانە كردوەتەوە، كە دەستڕەنگینن و توانایەكیان هەیە بیخەنەگەڕ، ئەوەش رێگایەك دەبێت بۆ ناساندنی ئەو كەسانەی بەهرەدارن و دەرنەكەوتون.
وتیشی "داهاتی كارەكە بۆ بەشداربوان خەرج دەكرێت و چەندین چالاكیش لەخۆدەگرێت، وەكو خواردنی كوردەواری، كاری رستن و چنین، پشكنینی خوێن، پێوانەی پەستانی خوێن و چەند جۆرێك لە چارەسەری سروشتی و نمایشكردنی گوڵ، هەروەها چەندین ناونیشانی كتێبی لەخۆگرتوە و بۆ ماوەی 2 رۆژ بەردەوام دەبێت".