نەوا
كۆمپانیای ئۆكاڤانگۆ سەربە حكومەتی بۆتسوانا لە ئەفریقا رایگەیاند، توانیویەتی گەورەترین ئەڵماسی شین دەربهێنێت، كە كێشی 20 قیراتە.
كۆمپانیاكە لە راگەیەندراوێكدا تیشكی خستۆتەسەرئەوەی لە كانی ئۆپارا توانیویەتی ئەڵماسێكی شین بدۆزێتەوە، كە كێشی ٢٠ قیراتە و ناوی "شینی ئۆكاڤانگۆ"ی لەو ئەڵماسە درەوشاوە ناوە.
لە راگەیەندراوەكەدا ئاماژە بەوەشدراوە ئەو جۆرە ئەڵماسە، كە بە دەگمەن لە جیهاندا هەیە، پێشتر ئەڵماسی هێندە گەورە و درەوشاوە لەو وڵاتەدا نەدۆزراوەتەوە، كە دەكەوێتە باشوری ئەفریقاوە.
چاوەڕوان دەكرێت تا كۆتایی ساڵیش ئەو ئەڵماسە بفرۆشرێت.