نەوا
رەغد سەدام حسێن كچی سەرۆكی پێشوتری عێراق راستی هەواڵی مردنی (ساجیدە خەیروڵا تولفاح)ی دایكی بۆ رای گشتی ئاشكرا دەكات.
لە لێدوانێكی رۆژنامەوانیدا رەغد سەدام حسێن هەواڵی مردنی دایكی رەتدەكاتەوە و رایدەگەیەنێت دایكی تەندروستی باشە و تەمەنیش رۆڵی خۆی هەیە، دەشڵێت: "ئەو هەواڵانەی بڵاوكراونەتەوە راست نین".
ئەو لێدوانەی كچی سەرۆكی پێشوتری عێراق لەدوای بڵاوبوونەوەی ئەو هەواڵانە هات كە باسیان لە مردنی (ساجیدە خەیروڵا تولفاح)ی تەمەن (82) ساڵ و خێزانی سەدام حسێن كردبوو.
ساجیدە خەیروڵا تولفاح لەدایكبوونی (24)ی حوزەیرانی ساڵی 1937ی شاری تكریتە، وەك مامۆستایەكیش لەقوتابخانەیەكی سەرەتای كاریكردووە و كچی خاڵی سەدام حسێنی سەرۆكی پێشوتری عێراقە.