عیراق... سیستمی موچەی فەرمانبەران دەكرێتە ئەلیكترۆنی

22/05/2019 عێراق
جەمال ئەسەدی ئەندامی ئەنجومەنی باڵای بەرەنگاربونەوەی گەندەڵی

نەوا
حكومەتی عێراق تاكۆتایی ساڵی 2019 پرۆژەی بەئەلكترۆنیكردنی سیستەمی موچەی فەرمانبەران تەواو دەكات.
لەوبارەیەوە جەمال ئەسەدی ئەندامی ئەنجومەنی باڵای بەرەنگاربونەوەی گەندەڵی و لێكۆڵەری گشتی لە وەزارەتی ناوخۆی عێراق لەلێدوانێكی رۆژنامەوانیدا رایگەیاند، لەرێی پڕۆژەكەوە بەتەواوی كۆتایی بە دیاردەی فەرمانبەری بن دیوار دەهێنرێت و بانكە حكومی و تایبەت و بیانییەكانیش بەشداری لە پرۆژەكەدا دەكەن.
بەپێی ئامارەكان ژمارەی فەرمانبەرانی عێراق جگە لە فەرمانبەرانی هەرێم نزیكەی 4 ملیۆنە و مووچەكەیان ساڵانە زیاتر لە 35 ترلیۆن دینارە.
ئەسەدی رونیشیكردەوە، پڕۆژەی بە ئەلكترۆنیكردنی مووچەی فەرمانبەران چالاكی ئابوری و بەرهەمی ناوخۆی زیاتر دەكات و دیاردەی گەندەڵی و بندیوار لەنێو مووچە خۆراندا لەناودەبات.

شەپۆلەکانی نەوا

Copyright © 2017 - Radio Nawa. Designed and Developed by Avesta Group