نەوا
سوپای پاسداران رایگەیاند كە دەستیان بەسەر كەشتییەكی نەوت هەڵگری بیانیدا گرتووە كە ''قاچاخچێتی بە سووتەمەنی''ی دەكرد.
سایتی ئینتەرنێتی سوپای پاسداران لە راگەیەندراوێكدا ئاماژەی بەوەداوە كە رۆژی یەكشەممە، بەلەمەكانی هێزی دەریایی سوپای پاسداران لە كەنداو لە میانی دەوریەی تایبەتی خۆیاندا بەتۆمەتی قاچاخچێتیكردن بە سووتەمەنی، كەشتییەكی نەوت هەڵگریان لە باشووری دوورگەی لارك وەستاندووە.
كەشتییە نەوت هەڵگرەكە یەك ملیۆن لیتر سووتەمەنی گواستۆتەوە و 12 كارمەندی تیادا بووە.
ئەمە لەكاتێكدایە كە پێشتر هەندێك لە میدیاكانی رۆژئاوا ئەو دەنگۆیانەیان بەدرۆ خستبوویەوە كە ئێران كەشتییەكی نەوت هەڵگری بیانیان وەستاندبێت.