نەوا
دۆناڵد ترامپ سەرۆكی ئەمریكا، جارێكی دیكە چوار خانمە ئەندامی كۆنگرێسی كردەوە ئامانج و دەڵێت "ئەم چوار ئەندامەی كۆنگرێس دەبێت بەهۆی ئەو وتە پڕ رق و كینانەی بەكاریانهێناوە داوای لێبوردن لە ئەمریكا و ئیسرائیل بكەن".
ترامپ لەبارەی ئیلهان عومەری بە رەگەز سۆماڵی و رەشیدە تڵێیبی بە رەگەز فەڵەستینی و ئالێكساندریا ئۆكاسیۆ- كۆرتەز و ئاینا پرێسلی لە تویتەر بابەتی نوێی نوسیوە و دەڵێت "بڕواناكەم ئەم چوار نوێنەرەمان وڵاتەكەمانیان خۆش بوێت. بەهۆی ئەو گوتە پڕ رق و كینەیەی بەكاریانهێناوە دەبێت داوای لێبوردن لە ئەمریكا و (ئیسرائیل) بكەن. راستە زیان بە پارتی دیموكراتخواز دەگەیەنن، بەڵام كەسانی لاواز و بێ متمانە هەرگیز ناتوانن زیان بە میللەتە گەورەكەمان بگەیەنن".
پێشتر ئۆكاسیۆ-كۆرتەز لە تویتەر رایگەیاندبو، پێشتر بۆ باشتركردنی سیستمی تەندروستی، لێخۆشبون لە قەرزی خوێندكاران، جێبەجێكردنی پاراستنی ژینگە، زیادكردنی موچەی كەم و مافەكانی مرۆڤ و لە زۆر بواری تردا كاریان كردوە. كاتێك ئەو كارانە دەكەن یەك فلس لە كۆمپانیاكان وەرناگرن. ترامپیش پارەی چارەسەری زیاد دەكات، بۆ هەڵخەڵەتاندنی خوێندكارانیش، بەتسی دیڤۆس وەزیری پەروەردەی ئەمریكا دەستنیشان دەكات.