نەوا-لاڤە كوردە
بەرپرسی راگەیاندنی هێزەكانی 70ی پێشمەرگە رایدەگەیەنێت، لە داقوق هێرشكراوەتەسەر حەشدی شەعبی و 7 كوژراویان هەیە.
ئەحمەد لەتیف بەرپرسی راگەیاندنی هێزەكانی 70ی پێشمەرگە بۆ رادیۆ نەوا رونكردنەوەی لەبارەی هاوەنبارانكردنی ناوچەیەكی داقوق دا و وتی "شەوی رابردوو بارەگای حەشدی شەعبی لە داقوق كراوەتە ئامانج و كاتێك ئەندامانی بارەگاكە سەرقاڵی یاری بوون لە یاریگایەكدا، گوللەهاوەنیان ئاراستە كراوە".
دەربارەی ژمارەی كوژراو بریندارەكانیش، بەرپرسی راگەیاندنی هێزەكانی 70ی پێشمەرگە وتی "7 چەكداری حەشدی شەعبی كوژراون و 15ی دیكەشیان بریندارن" .