ئه‌نبار.. به‌ موشه‌ك هێرشكرایه‌ سه‌ر بنكه‌یه‌كی سه‌ربازی ئه‌مریكا

03/12/2019 عێراق
بنكه‌ی سه‌ربازی عه‌ین ئه‌سه‌د له‌ ئه‌نبار

نه‌وا
شانه‌ی راگه‌یاندنی ئه‌منی بڵاویكرده‌وه‌، پێنج موشه‌ك له‌ بنكه‌ی سه‌ربازی ئه‌مریكا له‌ پارێزگای ئه‌نبار كه‌وتونه‌ته‌خوار.
رۆژی سێ شه‌ممه‌ شانه‌ی راگه‌یاندنی ئه‌منی باسی له‌وه‌كرد، پێنج موشه‌ك ئاراسته‌ی بنكه‌ی سه‌ربازی عه‌ین ئه‌سه‌د كراون له‌ پارێزگای ئه‌نبار.
ئاماژه‌ی به‌وه‌شكردووه‌، هێرشه‌كه‌ هیچ زیانێكی ئه‌وتۆی لێنه‌كه‌وتوه‌ته‌وه‌ كه‌ جێگه‌ی باس بێت.
بنكه‌ی عه‌ین ئه‌سه‌د شوێنی مانه‌وه‌ی به‌شێك له‌ هێزه‌كانی ئه‌مریكایه‌ له‌ عێراق.
رۆژی هه‌شتی تشرینی دووه‌میش به‌ سێ موشه‌ك هێرشكرابوه‌ سه‌ر بنكه‌ی سه‌ربازی گه‌یاره‌ له‌ پارێزگای نه‌ینه‌وا، كه‌ ئه‌و بنكه‌یه‌ش شوێنی مانه‌وه‌ی به‌شێك له‌ هێزه‌كانی ئه‌مریكایه‌.

شەپۆلەکانی نەوا

Copyright © 2017 - Radio Nawa. Designed and Developed by Avesta Group