بەئامادەبونی وەزیری بازرگانی و پیشەسازی حكومەتی هەرێمی كوردستان پرۆسەی وەرگرتنی گەنم لە جوتیاران دەستیپێكرد.
بەپێی راگەیەنراوێك، كەمال موسلیم وەزیری بازرگانی و پیشەسازی هەرێم بە ئامادەبونی بەڕێوەبەری گشتی بازرگانی هەرێم و بەڕێوەبەری گشتی بازرگانی دانەوێڵەی وەزارەتی بازرگانی عیراق ئامادەی پرۆسەی وەرگرتنی گەنمی جوتیاران بو.
پاش ئەنجامدانی رێكارەكانی وەرگرتن و پشكنین بۆ گەنمەكە لەلایەن سایلۆی هەولێرەوە وەرگیرا.
جێی ئاماژەیە لەئێستادا وەرزی بەبازاڕكردنی گەنمی جوتیارانەو وەزارەتی بازرگانی و پیشەسازی لەگەڵ وەزارەتی بازرگانی عیراق بڕی 850 هەزار دیناریان بۆ كڕینی هەر تۆنێك گەنم دیاریكردوە كە دەیدەنە جوتیاران، بڕیاریشە لە دوو رۆژی داهاتودا سەرجەم سایلۆكان بەڕوی جوتیاراندا بكرێتەوە.