وەزارەتی كارەبا: لە هەوڵداین بەزووترین كات كارەبا بگەڕێتەوە دۆخی ئاسایی خۆی
3 کاتژمێر پێش ئێستا
نەوا-
وەزارەتی كارەبای هەرێمی كوردستان راگەیەندراوێكی بڵاوكردەوە ، سوپاسی یەكە بە یەكەی هاوڵاتیانی هەرێمی كوردستان دەكات لە بەرامبەر ئارامی و خۆڕاگرییان لەم كاتە سەختەدا.
بەپێی راگەیەندراوەكە، ئەمە هێرشێكی تیرۆریستی بوو دژی هاوڵاتیانی هەرێمی كوردستان ئەنجامدرا و هەموولایەك دڵنیا دەكەنەوە كە وەزارەتی كارەبا، شانبەشانی هەریەك لە وەزارەتی سامانە سروشتییەكان و هێزە ئەمنییەكان و دانا غاز هەوڵەكانیان چڕكردۆتەوە بۆ ئەوەی ئاستی بەرهەمهێنان ئاسایی ببێتەوە و بەزووترین كاتیش كارەبا بگەڕێتەوە بۆ سەرجەم ماڵ و فرۆشگا و كارگەكان.
ئاماژە بەوەش كراوە، گەورەترین ئامانجمان سەلامەتی و ئاسوودەیی هاوڵاتیانی خۆمانە و لە حاڵەتی هەبوونی هەر پێشهاتێكی نوێش، بەزووترین كات ئاگادارتان دەكەینەوە.