نەوا-
كەشناسی هەرێم ڕایگەیاند، لە سبەینێ یەكشەممەوە بارانبارین دەستپێدەكاتەوە و بەشێوەی پچڕ پچڕ تەواوی ناوچەكانی هەرێمی كوردستان دەگرێتەوە.
بەگوێرەی ڕاپۆرتی كەشناسی هەرێم، ئەمڕۆ شەممە29-11، ئاسمان نیمچە هەور بۆ هەوری تەواو دەبێت، پلەكانی گەرماش نزم دەبێتەوە بە یەك بۆ دوو پلە لە تۆماركراوەكانی دوێنێ.
باسی لەوەشكردووە: سبەینێ یەكشەممە30-11، ئاسمان نیمچە هەور دەبێت پاشان دەگۆرێت بۆ هەوری تەواو لەگەڵ ئەگەری بارینی بارانی پچڕ پچڕ لە كاتەكانی ئێوارەدا بە تایبەتی لە ناوچە شاخاوییەكان وە ‌هەندێ ناوچەی جیا جیا لە سەنتەری شارەكانی هەولێر و دهۆك و سلێمانی. ئاماژەی بەوەشداوە، پلەكانی گەرما كەمێك بەرز دەبێتەوە لە تۆماركراوەكانی ئەمڕۆ.
بەرزترین پلەكانی گەرمای پێشبینیكراو بە پلەی سیلیزی
هەولێر : 22 پلەی سیلیزی
سلێمانی : 21 پلەی سیلیزی
دهۆك : 21 پلەی سیلیزی
زاخۆ : 21 پلەی سیلیزی
كەركوك : 23 پلەی سیلیزی
هەڵەبجە : 20 پلەی سیلیزی
گەرمیان : 24 پلەی سیلیزی.