نەوا-
مەسعود بارزانی سەرۆكی پارتی دیموكراتی كوردستان لە وتارێكدا لە چوارەمین سیمپۆزیۆمی نێودەوڵەتیی “مەلای جزیری” لە شارۆچكەی جزیرێی سەر بە پارێزگای شرنەخ لە باكووری كوردستان ڕایگەیاند، زۆر دڵخۆشین بە پڕۆسەی نوێی ئاشتی كە ئەم جارە زۆر بە ڕێكوپێكی دەستیپێكرد، چونكە گەل و پەرلەمان و هەموو حزبە سیاسییەكان پشتیوانیی دەوڵەتن.
مەسعود بارزانی وتیشی: لێرەدا بە پێویستی دەزانم سوپاسی ڕەجەب تەیب ئەردۆغان، سەرۆك كۆمار و گەل و پەرلەمانی توركیا بكەم كە دەرگای ئاشتییان كردەوە و پێمانوایە باشترین دەرگا و باشترین بژاردەیە. هەروەها دەستخۆشی لە ئۆجالانیش دەكەم كە هەنگاوی ئەرێنی هاوێشت.
باسی لەوەشكرد: لێرەش دووپاتی دەكەینەوە، بە هەموو هێزێكیانەوە، پشتیوانیی پرۆسەی ئاشتین و هەرچی لە دەستیان بێت دەیكەن و ئەنجامی ئەرێنی هەبێت.