نەوا-
وەزارەتی دارایی و ئابوری هەرێمی كوردستان خشتەی موچەی مانگی ئەیلولی فەرمانبەران و موچەخۆرانی بڵاوكردەوەو رایگەیاند، رۆژی یەكشەممە 30/11 دەستبەدابەشكردنی موچەی مانگی ئەیلولی فەرمانبەران و موچەخۆرانی هەرێمی كوردستان دەكرێت و رۆژی سێشەممە 2/12 كۆتایی بەدابەشكردنی موچە دێت.
وەزارەتی دارایی راشیگەیاندوە، بەهۆی ئەوەی وەرگرتنی پارە بەشێوەی كاش لە لقی هەولێری بانكی ناوەندی عیراق دەكەوێتە رۆژی یەكشەممە لەكاتی دوامی فەرمی و دواتر گواستنەوەی پارەكە بۆ سەرجەم بانكەكان لەپارێزگاو ئیدارە سەربەخۆكان، داوا لەسەرجەم موچەخۆران دەكەن لەدوای كاتژمێر یەكی پاش نیوەڕۆ سەردانی بانكەكان بكەن بەمەبەستی وەرگرتنی موچەكانیان بەپێی خشتەی راگەیەنراو.