هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

له‌م ئه‌ڵقه‌یه‌ی "هێڵی سێیه‌م"دا به‌ میوانداری هه‌ریه‌ك له‌: سالار مه‌حمود ئه‌ندامی په‌رله‌مانی كوردستان له‌ فراكسیۆنی یه‌كێتی و مه‌سعود عه‌بدولخالق سه‌رۆكی ده‌زگای ستانده‌ر بۆ توێژینه‌وه‌ و میدیا، له‌گه‌ڵ ئه‌بوبه‌كر هه‌ڵه‌دنی ئه‌ندامی په‌رله‌مانی كوردستان و ئه‌ندامی سه‌ركردایه‌تی یه‌كگرتووی ئیسلامی تاوتوێی كاریگه‌ری ئه‌نجامه‌كانی هه‌ڵبژاردنی 30ی ئه‌یلول له‌سه‌ر پرۆسه‌ی سیاسی و بڕیاره‌كانی به‌ ئۆپۆزسیۆنبوونی هه‌ندێك هێزی براوه‌ی هه‌ڵبژاردن كرا و تیایدا گۆڕانی هاوپه‌یمانییه‌كان و هاوسه‌نگی هێز خرایه‌ڕو. هه‌ر له‌ ماوه‌ی به‌رنامه‌كه‌دا، گفتوگۆ له‌ باره‌ی هه‌ڵوێستی ئه‌و هێزه‌ ناڕازییانه‌ كرا كه‌ ده‌ره‌نجامی هه‌ڵبژاردن ره‌تده‌كه‌نه‌وه‌.